ទិញបានម្នាក់នឹងគេហើយ! Man Utd ព្រមទិញតារាឆ្នើមជម្រើសជាតិហូឡង់ រូបនេះមករួមក្រុមក្នុងតម្លៃខ្លួនប្រមាណ៤០លាន

បរទេស៖ កីឡាករ Donny van de Beek ត្រូវបានគេរាយការណ៍មកថាអាចនឹងត្រូវទៅពិនិត្យសុខភាពនៅទឹកដី Old Trafford នៅប៉ុន្មានថ្ងៃខាងមុខនេះ ក្រោយពេលដែលក្លិបបិសាចក្រហម Manchester United យល់ព្រមនឹងសំណើរបស់ក្លិប Ajax ក្នុងចំនួនទឹកប្រាក់ប្រមាណ៤០លានផោន (ឬ៥៣លានដុល្លារ)។

ជាក់ស្តែងក្រៅពី Man Utd នៅមានក្លិបយក្ស Real Madrid មួយទៀតដែលចង់បានកីឡាករវ័យ២៣ឆ្នាំរូបនេះទៅរួមក្រុម ប៉ុន្តែដោយសារតែកំពុងជួបវិបត្តិហិរញ្ញវត្ថុធ្ងន់ធ្ងរទើបធ្វើឲ្យក្លិបរបស់អេស៉្បាញមួយនេះដកខ្លួនចេញ។ 

គួរឲ្យដឹងដែរថា Van de Beek អាចលេងបានគ្រប់ទីតាំងនៅក្នុងតំបន់បម្រើ ពោលគឺលេងជាខ្សែបម្រើស្លាបក៏បាន និងជាខ្សែបម្រើកណ្តាលក៏បាន។ ជាមួយគ្នានេះរូបគេជាក៏កូនសោរដ៏សំខាន់មួយរូបផងដែរ ក្នុងការជួយឲ្យ Ajax ឡើងដល់វគ្គ៤ក្រុមចុងក្រោយពានរង្វាន់ UEFA Champions League រដូវកាល២០១៨/១៩កន្លងមក៕ 

ប្រភព៖ skysports