លែងហាមឃាត់ហើយ! Man UTD ថា បើក្រុមណាចង់បាន Rashford បោះលុយប៉ុណ្ណេះមក

អង់គ្លេស៖ ក្លិបបិសាចក្រហម Manchester United បានកំណត់តម្លៃលក់សម្រាប់កីឡាករ Marcus Rashford នៅក្នុងទីផ្សារដោះដូរកីឡាកររដូវក្តៅខាងមុខនេះចំនួនលើសពី ៧០លានផោនឡើង។

ជាការពិតណាស់ នារដូវកាលក្រោយ បន្ទាប់ពីការមកដល់របស់ម្ចាស់ភាគហ៊ុនថ្មី លោក Sir Jim Ratcliffe គឺ មានការាយការណ៍ជាច្រើន ថា Man UTD នឹងធ្វើការរុះរើក្រុមទ្រង់ទ្រាយធំ ហើយ ក្នុងនោះក៏មានឈ្មោះរបស់ Rashford ផងដែរ ដែលហាក់បង្ហាញទម្រង់លេងមិនល្អទាល់តែសោះក្នុងរដូវកាលនេះ ខណៈ Paris Saint Germain ជា ក្រុមមួយដែលត្រូវបានគេដឹងថាចង់បានកីឡាករសញ្ជាតិអង់គ្លេសខាងលើមករួមក្រុម។

ក្នុងនោះបើយោងទៅតាមការចុះផ្សាយរបស់កាសែត ESPN បានលើកឡើងថា Man UTD ពេលនេះកំពុងតែប្តូរចិត្តចង់លក់ Rashford វិញ ពោលក្នុងតម្លៃលើសពី ៧០លានផោន បើមានក្លិបណាហ៊ានផ្តល់ជូនប៉ុណ្ណឹង នោះ ពួកគេនឹងសម្រេចចិត្តលក់តែម្តង៕

ប្រភព៖ metro