កប់ណាស់! ក្រោយឃើញលេងល្អ Barca ឥឡូវនេះបានព្រមព្រៀងតម្លៃ ៣៥ លាន ទិញយកតារាត្រកូល Joao រូបនេះហើយ

បរទេស៖ ក្លិបអ្នកមានបុណ្យ FC Barcelona ត្រូវបានគេរាយការណ៍ថា បានព្រមព្រៀងលក្ខខណ្ឌជាមួយក្លិប Manchester City ក្នុងការទិញយកខ្សែការពារស្លាបស្តាំ Joao Cancelo ជាអចិន្ត្រៃយ៍ហើយ។

ជាការពិតណស់ នៅរដូវក្តៅនេះ Barcelona បានសម្រេចខ្ចីជើង Cancelo ពី Man City រយៈពេល ១ រដូវកាល ដោយមិនមានជម្រើសទិញផ្តាច់នោះទេ ប៉ុន្តែឥឡូវនេះមានដំណឹងបង្ហើបថា Barca ឥឡូវនេះកំពុងចង់ទិញផ្តាច់ខ្សែការពារសញ្ជាតិ ព័រទុយហ្គាល់ តែម្តង បន្ទាប់ពីឃើញរូបគេបង្ហាញខ្លួនល្អ នាប៉ុន្មានប្រកួតដំបូង។

យោងតាមការចុះផ្សាយដោយកាសែត Football Transfers បានឱ្យដឹងថា Barca បានឈានដល់ការពិភាក្សាជាមួយ Man City ក្នុងការផ្ទេរ Joao Cancelo ហើយ ហើយក្លិបយក្សទាំង ២ បានព្រមព្រៀងតម្លៃគ្នាចំនួន ៣៥ លានអឺរ៉ូ ឬប្រមាណជា (៣៧ លានដុល្លារអាមេរិក) ប៉ុន្តែនៅក្នុងដំណាក់កាលនេះ ក្រុមរបស់លោក Xavi ហាក់នៅជាប់គាំងនឹងរឿងមួយ គឺទាក់ទិននឹងវិបត្តិហិរញ្ញវត្ថុ  លុះត្រាតែនៅរដូវកាលក្រោយ ពួកគេលក់កីឡាករចេញខ្លះ ទើបអាចទិញកីឡាករថ្មីចូលបាន៕

ប្រភព៖ Onefootball