បរទេស៖ កីឡាករជើងចាស់លោក Rio Ferdinand បានផ្តល់ដំបូន្មានឱ្យក្លិបបិសាចក្រហម Manchester United ដែលជាអតីតក្លិបចាស់របស់ខ្លួន ទិញយកខ្សែការពារឆ្នើមរបស់ Barcelona កីឡាករ Ronald Araujo ដើម្បីមកពង្រឹងក្រុម ហើយជាមួយគ្នានោះលោកក៏បានណែនាំឱ្យក្រុមរបស់លោក Erik ten Hag សម្លឹងមើលខ្សែការពារ Kevin Danso របស់ Lens ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Man UTD មួយរយៈចុងក្រោយនេះ នៅតំបន់ខ្សែការពាររបស់ពួកគេហាក់ពុំមានស្ថេរភាពប៉ុន្មាននោះទេ បន្ទាប់ពីខ្សែការពាររបស់ពួកគេមានបញ្ហារបួសជាបន្តបន្ទាប់ ខណៈឥឡូវនេះកីឡាករដែលមិនទាន់អាចចូលប្រកួតវិញបាន និងកំពុងតែសម្រាកព្យាបាលរបួសនៅក្រៅទីលានរួមមាន Lisandro Martinez, Luke Shaw, Tyle Malacia និង Wan-Bissaka ជាដើម ចំណែក Raphael Varane វិញ ដ្បិតរូបគេបានចូលលេង ២ ប្រកួតចុងក្រោយនេះក៏ដោយ ប៉ុន្តែរូបគេគឺមិនទាន់ជាពេញលេញ ១០០% នៅឡើយទេ។
ជាមួយគ្នានេះ លោក Ferdinand បានណែនាំឱ្យ Man UTD គួរតែនាំចូលខ្សែការពារកណ្តាលថ្មីជាចាំបាច់ ហើយក្នុងនោះថ្លែងប្រាប់កាសែត Manchester Evening News អតីតខ្សែការពារអង់គ្លេសបានមានប្រសាសន៍យ៉ាងដូច្នេះថា៖
ក្មេងប្រុសម្នាក់នៅ Lens គេមានឈ្មោះថា Kevin Danson គាត់គឺល្អ។ ក្មេងប្រុសជនជាតិ អ៊ុយរូហ្គាយ នៅ Barcelona កីឡាករ Araujo។... ខ្ញុំមើលឃើញថា គាត់ពិតជាអស្ចារ្យ។... គាត់មានគុណសម្បត្តិគ្រប់បែបយ៉ាង ដើម្បីក្លាយខ្លួនជាកីឡាករដ៏ល្អឥតខ្ចោះនៅ Premier League។ ខ្ញុំអាចនិយាយបានថាគាត់ជាកីឡាករដ៏លេចធ្លោរម្នាក់ ប៉ុន្តែខ្ញុំមិនដឹងទេ ថាតើគាត់ទទួលយកបានឬអត់៕
ប្រភព៖ Sportbible
Bong I.T