អីយ៉ាស់! De Gea មានដំណឹងថានឹងត្រឡប់មកកាន់ PL វិញ ដោយចូលរួមជាមួយក្លិបគីឡូ UCL មួយនេះ

បរទេស៖ អតីតអ្នកចាំទីរបស់ Manchester United កីឡាករ David de Gea ត្រូវបានគេរាយការណ៍ថា កំពុងមានទំនាក់ទំនងក្នុងការផ្លាស់ទៅលេងនៅក្របខណ្ឌ Premier League វិញ ដោយចូលរួមជាមួយក្រុមសារិកាព្រៃ Newcastle United។

គិតមកដល់ពេលនេះ អ្នកចាំទីជនជាតិ អេស្ប៉ាញ វ័យ ៣៣ ឆ្នាំគឺមិនទាន់មានក្លិបលេងនៅឡើយនោះទេ បន្ទាប់ពីរូបគេបានចាកចេញពីទឹកដី Old Trafford ដោយសារតែភាគីទាំង ២ មិនបានបន្តកុងត្រាថ្មី ក្រោយកុងត្រាចាស់បានអស់សុពលភាព

ថ្មីៗនេះយោងតាមការចុះផ្សាយដោយកាសែត ESPN បានឱ្យដឹងថា De Gea គឺកំពុងមានទំនាក់ទំនងផ្លាស់ទៅចូលរួមជាមួយនឹង Newcastle ដើម្បីជំនួសតំណែងដៃទីមួយរបស់អ្នកចាំទី Nick Pope ដែលមានបញ្ហារបួសស្មា ហើយបើតាមការបញ្ជាក់បន្ថែម គឺអ្នកចាំទីសញ្ជាតិ អង់គ្លេស នឹងត្រូវសម្រាកព្យារបាលរបួសរហូតដល់ទៅ ៥ ខែ ឯណោះ។

ប្រភព៖ ESPN