ចុម! Kaka បានរំលង Ronaldo ចោល នៅពេលគេឱ្យជ្រើសរើសពីកីឡាករដែលល្អដាច់គេបំផុតនៅតាមផ្នែកនីមួយៗ

បរទេស៖ Kaka អតីតខ្សែបម្រើប្រយុទ្ធរបស់ Real Madrid និងក្រុមជម្រើសជាតិប្រេស៊ីល មិនបានជ្រើសរើសយក Cristiano Ronaldo នោះទេ នៅពេលគេឱ្យជ្រើសរើសកីឡាករដែលល្អដាច់គេបំផុតនៅតាមផ្នែកនីមួយៗ ហើយអ្វីដែលកាន់តែចាប់អារម្មណ៍ កីឡាករដែលគាត់គិតថាល្អបំផុតនៅផ្នែកជើងខាងស្តាំនោះគឺ Neymar Jr.ទៅវិញ។

នៅក្នុងកិច្ចសម្ភាសន៍ជាមួយកាសែត Goal Kaka បានចុចឈ្មោះអ្នកដែលល្អជើងឆ្វេង គឺ Marcelo, អ្នកល្អជើងស្តាំគឺ Neymar, អ្នកដែលមានល្បឿនលឿនគឺ Kylian Mbappe, អ្នកដែលមានកម្លាំងខ្លាំងគឺ Erling Haaland, អ្នកមានជំនាញញាក់ល្អបំផុតគឺ Lionel Messi និងអ្នកដែលឆ្លាតបំផុតគឺ Kevin de Bruyne។

ប្រភព៖ Sportbible