បរទេស៖ អតីតខ្សែប្រយុទ្ធក្លិប Barcelona កីឡាករ Luis Suarez បាននិយាយរម្លឹករឿងចាស់ថា Neymar ធ្លាប់បានបដិសេធដំបូន្មានរបស់ខ្លួន ដែលមានបំណងចង់ឱ្យគាត់ផ្លាស់ទៅកាន់ទឹកដីអង់គ្លេសជាមួយ Manchester City ព្រោះគាត់មើលឃើញថា ទីនោះគឺជាកន្លែងដែលអាចធ្វើឱ្យគាត់ទទួលបានភាពជោគជ័យ ជាជាងការផ្លាស់ទៅកាន់ក្រុម Paris Saint Germain។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយើងបកក្រោយបន្តិច កាលពីឆ្នាំ ២០១៧ គឺ Neymar បានធ្វើឲ្យពិភពបាល់ទាត់ភ្ញាក់ផ្អើលខ្លាំង បន្ទាប់ពីរូបគេបានសម្រេចចិត្តចាកចេញពី Barcelona ដើម្បីផ្លាស់មកកាន់ PSG ក្នុងតម្លៃថ្លៃជាងគេនៅលើពិភពលោក ២២២លានអឺរ៉ូ ខណៈ កាលពីរដូវកាលមុន គេបានចាកចេញពីទឹកដីបារាំងដើម្បីចូលរួមជាមួយ Al-Hilal។
ទាក់ទងនឹងរឿងខាងលើ Suarez បាននិយាយថា៖
ពួកយើងធ្លាប់បាននិយាយជាមួយគាត់ថា Neymar ប្រសិនបើអ្នកចង់ឈ្នះអ្វីគ្រប់បែបយ៉ាង អ្នកគួរតែបន្តនៅជាមួយ Barcelona។ បើមិនចឹងទេ គាត់គួរតែទៅចូលរួមជាមួយ Man City នៅអង់គ្លេស ដែលមានកម្រិតបាល់ទាត់ល្អជាងបារាំង។ ខ្ញុំជឿជាក់ថា គាត់នឹងអាចឈ្នះពាន Ballon d’Or បានបើគាត់ជ្រើសរើសក្នុងការបន្តលេងនៅ Barcelona។
ប្រភព៖ Sportskeeda
Bong I.T