Mbappe នឹងពាក់លេខអាវមួយនេះនៅ R.Madrid តែមិនមែនលេខ ១០ ទេ

បរទេស៖ ខ្សែប្រយុទ្ធ Kylian Mbappe ត្រូវបានគេរាយការណ៍ថា រូបគេនឹងពាក់អាវលេខ ៩ សម្រាប់រដូវកាលដំបូងជាមួយ Real Madrid។

ជាការពិតណាស់ នៅថ្ងៃទី ៤ ខែ មិថុនា ឆ្នាំ ២០២៤ នេះ Mbappe ត្រូវបានក្លិប Real Madrid ប្រកាសយកបានជាផ្លូវការហើយ ជាមួយកុងត្រារយៈពេល ៥ ឆ្នាំ ពោលគឺដល់ឆ្នាំ ២០២៩។ 

យោងតាមការចុះផ្សាយដោយកាសែត បារាំង Le Parisien បានឱ្យដឹងថា Mbappe នឹងពាក់អាវលេខ ៩ ដែលជាអតីតលេខចាស់របស់ Karim Benzema។ អាវលេខ ៩ នេះបានទំនេរចោលមួយរដូវកាលមកហើយ បន្ទាប់ពី Benzema ចាកចេញទៅកាន់ក្លិប Al-Ittihad កាលពីរដូវកាលមុន។

មែនទែនទៅ Mbappe ត្រូវបានគេរំពឹងថា គាត់នឹងទទួលបានអាវលេខ ១០ បន្តពី Luka Modric ក្នុងការមកចូលរួមជាមួយ Real Madrid ប៉ុន្តែដោយសារតែ Modric សម្រេចបន្តកុងត្រាថ្មីជាមួយក្លិបអធិរាជសមួយរដូវកាលទៀត ដូច្នេះអាវលេខ ១០ នេះ នឹងនៅជាកម្មសិទ្ធរបស់ខ្សែបម្រើសញ្ជាតិ ក្រូអាត វ័យ ៣៨ ឆ្នាំរូបនេះដដែល៕

ប្រភព៖ Sportskeeda