បរទេស៖ ខ្សែប្រយុទ្ធក្លិប Inter Miami កីឡាករ Lionel Messi ធ្លាប់បានលើកឡើងពី លទ្ធភាពដែលគាត់អាចនឹងមានថ្ងៃណាមួយក្នុងការពិសារអាហារពេលយប់ជាមួយ Cristiano Ronaldo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ លើសពីមួយទសវត្សរ៍ទៅហើយ ដែល Messi និង Ronaldo តែងតែត្រូវបានគេយកមកប្រៀបធៀបគ្នា ហើយ អ្នកទាំងពីរធ្លាប់បានឈ្នះនូវពានរង្វាន់ជាច្រើននៅក្នុងអាជីពជាពិសេសពានរង្វាន់ឯកត្តជន Ballon D'or ដែលបូកចូលគ្នា គឺ ឈ្នះដល់ទៅ ១៣ សម័យ។
យ៉ាងណាមិញ ទាក់ទងនឹងរឿងខាងលើ នៅពេលដែលគេសួរអំពីលទ្ធភាពដែលអ្នកទាំងពីរអាចនឹងពិសារអាហារពេលរាត្រីជុំគ្នា Messi បាននិយាយថា៖
ច្បាស់ណាស់ ខ្ញុំគ្មានបញ្ហាអ្វីទេ។ ខ្ញុំធ្លាប់បាននិយាយហើយថា ខ្ញុំមិនដែលមានបញ្ហាជាមួយគាត់ឡើយ។ ពួកយើងតែងតែនិយាយគ្នាលេងអំឡុងពេលចូលរួមកម្មវិធីប្រគល់ពានរង្វាន់។ ខ្ញុំមិនដឹងទេ ថា ថ្ងៃណាមួយយើងនឹងមានការជួបជុំពិសារអាហារពេលរាត្រីជាមួយគ្នាឬអត់ ប៉ុន្តែ ខ្ញុំនឹងចូលរួមប្រសិនបើមានការអញ្ជើញ៕
ប្រភព៖ sportskeeda
Bong I.T