អ៊េមណាស់! ស្ងាត់ៗ Barca បានឈានដល់កិច្ចព្រមព្រៀងផ្ទាល់មាត់ ក្នុងការផ្ទេរតារាកំពុងរះនៅ Euro ២០២៤ រូបនេះហើយ

បរទេស៖ ក្លិបអ្នកមានបុណ្យ FC Barcelona ត្រូវបានគេរាយការណ៍ថា បានឈានដល់កិច្ចព្រមព្រៀងផ្ទាល់មាត់ ជាមួយខ្សែប្រយុទ្ធស្លាបរបស់ក្រុម Athletic Club កីឡាករ Nico Williams សម្រាប់ការផ្ទេរនៅរដូវក្តៅនេះហើយ។

យោងតាមការចុះផ្សាយដោយប្រភពសារព័ត៌មាន El Chiringuito TV បានឱ្យដឹងថា កិច្ចព្រមព្រៀងផ្ទាល់មាត់នេះបានកើតឡើង បន្ទាប់ពីមានការចរចាកាលពីពេលថ្មីៗនេះរវាងអ្នកតំណាងរបស់កីឡាករ និងអ្នកតំណាងរបស់ក្លិប។

Nico Williams បច្ចុប្បន្នកំពុងត្រូវបានគេចាប់អារម្មណ៍ពីទម្រង់លេងរបស់គាត់ខ្លាំងមែនទែន បន្ទាប់ពីគាត់បង្ហាញខ្លួនបានយ៉ាងល្អជាមួយក្រុមជម្រើសជាតិ អេស្ប៉ាញ នៅ Euro ២០២៤ នេះ ក្នុងនោះរូបគេរកបានមួយគ្រាប់ និង ១ assist ជួយឱ្យក្រុមរហស្សនាមគោជល់ កក់កៅអីឡើងមកកាន់វគ្គ ៨ ក្រុមជាផ្លូវការ៕

ប្រភព៖ Sportskeeda