អឺរ៉ុប៖ ប្រធានក្រុមជម្រើសជាតិបារាំង កីឡាករ Kylian Mbappe បានលើកឡើងថា រូបគេពិតជាមានមោទកភាពណាស់ដែលបានលេងទល់នឹង រៀមច្បង Cristiano Ronaldo នៅលើទីលាន មុនត្រូវប៉ះគ្នានៅរាត្រីនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងការប្រកួតរាត្រីនេះ នឹងក្លាយជាជំនួបដ៏អស្ចារ្យបំផុតមួយរវាង ក្រុមជម្រើសជាតិបារាំង ទល់នឹង ក្រុមជម្រើសជាតិព័រទុយហ្គាល់ វគ្គ ៨ក្រុមចុងក្រោយ ក្នុងព្រឹត្តិការណ៍ EURO 2024 ខណៈ នេះក៏ជាជំនួបសងសឹកផងដែរ បន្ទាប់ពីព័រទុយហ្គាល់ ធ្លាប់យកឈ្នះ បារាំង កាលពីវគ្គផ្តាច់ព្រ័ត្រ EURO ២០១៦ ផងដែរ។
មុនប៉ះគ្នារាត្រីនេះ Mbappe បាននិយាយថា៖
Ronaldo គាត់គឺជាមនុស្សម្នាក់ដែលបានបំផុសគំនិតមនុស្សជំនាន់ក្រោយទាំងមូល។ វាជាកិត្តិយសក្នុងការលេងទល់នឹងគាត់។ វានឹងមិនមានកីឡាករណាផ្សេងអាចធ្វើបានដូចគាត់ឡើយ។ គោរពគាត់ គាត់នៅតែវីរបុរសប្រចាំការប្រកួត ប៉ុន្តែខ្ញុំ សង្ឃឹមថាយើងនឹងឈ្នះនៅថ្ងៃនេះ ហើយបោះជំហានខិតទៅជិតកាន់វគ្គផ្តាច់ព្រ័ត្រ៕
ប្រភព៖ Metro
Bong I.T