ចុមចូលស៊ងយើងហើយ! សម្បត្តិ ប៉ះ Tum Kiti សប្តាហ៍នេះ មិនមែនគ្រាន់តែប្រកួតសងសឹកធម្មតាទេ សំខាន់លេងលក្ខខណ្ឌឈុតធំមួយនេះទៀត

ប្រដាល់៖ អ្នកប្រដាល់គុនខ្មែរក្របីព្រៃ ពេជ្រ សម្បត្តិ នឹងត្រូវទទួលភារកិច្ចសំខាន់ក្នុងការប្រកួតថ្ងៃសៅរ៍សប្តាហ៍នេះទល់នឹងកីឡាករថៃ Tum Kiti។

ជាការពិតណាស់ បើយើងនិយាយពីកីឡាករថៃ Tum Kiti នេះ គឺ ពេជ្រ សម្បត្តិ ចាំមិនភ្លេចទេ ពីព្រោះរូបគេធ្លាប់ចាញ់ពិន្ទុ បាត់បង់ខ្សែក្រវាត់ម្តងនៅទឹកដីអូស្រា្តលីកាលពីខែវិច្ឆិកា ឆ្នាំ២០២៣ ខណៈ ក្រោយចប់ការប្រកួតនោះភ្លាម ក៏មានការសំណូមពរពីអ្នកគាំទ្រឲ្យរៀបចំការប្រកួតសងសឹកម្តងទៀតរវាងអ្នកទាំងពីរ ទើបតែពេលនេះជំនួបខាងលើពិតជានឹងកើតឡើងមែននៅទឹកដីកម្ពុជាសប្តាហ៍នេះ។

ក្នុងនោះផងដែរ សម្រាប់ជំនួនខាងលើ គឺ សម្បត្តិ ប៉ះ Tum Kiti មិនមែនគ្រាន់តែជាការប្រកួតសងសឹកធម្មតា ប្រកួតហ្គង់ធំនោះទេ​ គឺ លេចឮថា នឹងប្រកួតហ្គង់តូច ឬ ហ្គង់ចេញម្រាម ទៀត ដែលនេះអាចជាភាគរយធំមួយសម្រាប់ សម្បត្តិ ព្រោះប្រិយមិត្តដឹងហើយ ថា ហ្គង់តូច ជា ជំនាញរបស់ សម្បត្តិ ហើយ រូបគេក៏មិនដែលចាញ់ដែរក្នុងការប្រកួតដែលប្រើប្រាស់ហ្គង់ចេញម្រាមនេះ៕