ទោះ Mbappe និង Vinicius លេងមិនត្រូវគ្នា តែលោក Ancelotti ថា RM គ្មានបញ្ហាត្រង់ប្រយុទ្ធទេ តែបញ្ហាធំស្ថិតនៅត្រង់នេះ

បរទេស៖ អ្នកចាត់ការរបស់ Real Madrid លោក​ Carlo Ancelotti បានចេញមុខបដិសេធចំពោះពាក្យរិះគន់នាមួយរយៈចុងក្រោយនេះ ដែលបានលើកឡើងថា ក្រុមអធិរាជសគឺមានបញ្ហាដោយសារតែប្រព័ន្ធប្រយុទ្ធលេងមិនត្រូវគ្នារវាង Kylian Mbappe និង Vinicius Jr. ប៉ុន្តែផ្ទុយវិញលោកបានឆ្លើយតបថា បញ្ហាពិតប្រាកដរបស់ក្រុមលោកបច្ចុប្បន្ន គឺស្ថិតនៅលើតំបន់ការពារទៅវិញទេ។

ជាការពិតណាស់ ក្នុងការចាប់ផ្តើមរដូវកាល ២០២៤-២០២៥ នេះ ក្រុម Real Madrid ហាក់ធ្វើពុំសូវបានល្អដូចការរំពឹងទុកទាល់តែសោះ ទោះបីពួកគេមានខ្សែប្រយុទ្ធឆ្នើមៗដូចជា Kylian Mbappe និង Vinicius ក៏ដោយ។ ហើយតាមរយៈភាពមិនល្អប្រសើរបែបនេះ បានធ្វើឱ្យអ្នកគាំទ្រជាច្រើនយល់ថា បញ្ហារបស់ក្រុមម្ចាស់ជើងឯកពាន Champions League ១៤ សម័យ គឺស្ថិតនៅលើប្រព័ន្ធប្រយុទ្ធទាំងស្រុង។

ទោះបីជាយ៉ាងណាក៏ដោយ ជុំវិញការរិះគន់ខាងលើ លោក Ancelotti បានចេញមុខឆ្លើយតបទៅវិញយ៉ាងដូច្នេះថា៖

គួរបញ្ជាក់ថា Real Madrid បច្ចុប្បន្នកំពុងឈរនៅលេខរៀងទី ២ នៃក្របខណ្ឌ La Liga ក្រោយឆ្លងកាត់ ១១ ប្រកួត ពួកគេឈ្នះ ៧ ស្មើ ៣ និងចាញ់ ១ មាន ២៤ ពិន្ទុ។ ដោយឡែកនៅពានរង្វាន់ UCL វិញ ពួកគេកំពុងឈរនៅលេខរៀងទី ១៨ ក្រោយឆ្លងកាត់ ៤ ប្រកួត ពួកគេឈ្នះ ២ និងចាញ់ ២ មាន ៦ ពិន្ទុ៕

ប្រភព៖ Sportskeeda