ហ្វេនៗចង់ឲ្យចេញ តែតារា Barca រូបនេះថា រូបគេនឹងមិនចាកចេញពីក្លិបនោះឡើយ

 កីឡា៖ អ្នកចាំទីរបស់ក្លិបអ្នកមានបុណ្យ Barcelona គឺ Marc André ter Stegen បានប្រកាសច្បាស់ៗដោយផ្ទាល់មាត់ថា រូបគេនឹងមិនចាកចេញពីក្លិបនៅរដូវក្ដៅនេះនោះឡើយ។

អនាគតរបស់ Stegen ក្នុងការស្នាក់នៅទឹកដី Camp Nou ហាក់ស្រពេចស្រពិល បន្ទាប់ពីរូបគេបានធ្លាក់ទម្រង់លេងគួរឲ្យកត់សម្គាល់ និងឈានដល់ការរបូតតំណែងអ្នកចាំទីដៃទី១ ទៅឲ្យ Wojciech Szczęsny ខណៈដែលមានដំណឹងផ្ទៃក្នុងមកថា Barcelona កំពុងតែគិតគូចង់ទិញយកអ្នកចាំទីថ្មីដើម្បីមកពង្រឹងក្រុម គឺ អ្នកចាំទី Joan Garcia កំពុងលេងនៅក្លិប Espanyol ។

ដូច្នេះហើយ មានពាក្យចចាមអារ៉ាមថា Stegen អាចនឹងចាកចេញពីក្លិបប៉ុន្តែរូបគេបានទម្លាយផ្ទាល់មាត់ថា គ្មាននរណាក្នុងក្លិបប្រាប់គេថាគេត្រូវចាកចេញនោះឡើយ ហើយគេមានទំនុកចិត្តថារូបគេអាចបន្តលេងនៅ Barcelona នារដូវកាលក្រោយ។

គួរបញ្ជាក់ផងដែរថា Marc André ter Stegen គឺជាអ្នកចាំទីចាស់វស្សាដែលបានស្នាក់នៅក្លិប Barcelona តាំងពីឆ្នាំ ២០១៤ មកម៉្លេះ៕