កម្សាន្ត៖ តារា​ចម្រៀង​ Taylor Swift និង​គូដណ្តឹង លោក Travis Kelce បាន​ចូល​រួម​ មើលការ​ប្រកួត​កីឡាជាមួយ​គ្នា​នៅ​ថ្ងៃ​ទី ២៨ ខែ​សីហា ពីរ​ថ្ងៃ​បន្ទាប់​ពី​ បាន​ប្រកាស​ពី​ការ​ភ្ជាប់​ពាក្យ​របស់​ពួក​គេ។

Taylor Swift និង Travis Kelce បានបង្ហាញខ្លួនជាសាធារណៈលើកដំបូង បន្ទាប់ពីការភ្ជាប់ពាក្យ ។ គូស្នេហ៍​មួយ​គូ​នេះ​ បាន​អបអរ​ចំពោះក្រុម Cincinnati Bearcats ដែល Travis បាន​លេង​ជា​សិស្ស​នៅ​សាកលវិទ្យាល័យ Cincinnati ទល់​នឹង Nebraska Cornhuskers នៅ​កីឡដ្ឋាន Arrowhead ក្នុង​ទីក្រុង Kansas រដ្ឋ Missouri។

Taylor Swift បានញញឹម និងគ្រវីដៃ ទៅកាន់អ្នកគាំទ្រ នៅពេលដែលនាងចូលទៅក្នុងកីឡដ្ឋាន និងទទួលបានការអបអរសាទរជាច្រើន។ តារាស្រីរូបនេះ បាន​ស្លៀក​សម្លៀក​បំពាក់​ពណ៌​ស សំពត់​ខូវប៊យ និង​ស្បែកជើង​កវែង​ខ្ពស់​។ តារា​ចម្រៀងស្រី​វ័យ​៣៥​ឆ្នាំ​រូប​នេះ ​ក៏​បាន​ពាក់​ចិញ្ចៀន​ភ្ជាប់​ពាក្យ​ពេជ្រ​ធំ​ដែល​ Travis ជូន​នាង​កាល​ពី​ប៉ុន្មាន​ថ្ងៃ​មុន​ដែរ។ ខណៈ Travis Kelce និងប្អូនប្រុសរបស់លោក ក៏បានស្វាគមន៍ទស្សនិកជននៅលើទីលាន បន្ទាប់មកអង្គុយនៅនឹងកន្លែងជាមួយ Taylor Swift ។ 

គួរបញ្ជាក់ផងដែរថា នៅថ្ងៃទី ២៦ ខែសីហា Taylor និង Travis បានធ្វើឱ្យប្រព័ន្ធផ្សព្វផ្សាយសង្គមភ្ញាក់ផ្អើល នៅពេលដែលពួកគេបានប្រកាសពីការភ្ជាប់ពាក្យនៅលើ Instagram ខណៈអ្នកទាំងពីរបានចែករំលែករូបថត ជាបន្តបន្ទាប់ពីព្រឹត្តិការណ៍នេះ រួមទាំងពេលដែល Travis បានលុតជង្គង់ និងបានស្នើសុំ Taylor រៀបការ នៅកណ្តាលសួនច្បារដ៏រ៉ូមែនទិកមួយ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖