ល្អអីល្អយ៉ាងនេះ! ពូដូស៊ុតបាន២គ្រាប់ម្នាក់ឯងជួយឲ្យព័រទុយកាល់ឈ្នះស៊ុយអែត២-០កាលពីយប់មិញ (មានវីដេអូ)

បរទេស៖ ពីរគ្រាប់របស់ Cristiano Ronaldo យប់មិញបានជួយឲ្យរូបគេក្លាយជាកីឡាករដំបូងបង្អស់ក្នុងប្រវត្តិសាស្ត្រទ្វីបអឺរ៉ុបដែលអាចរកបានលើសពី១០០គ្រាប់ឲ្យក្រុមជម្រើសជាតិរបស់ខ្លួន។ 

នៅក្នុងការប្រកួតរវាងជម្រើសជាតិព័រទុយកាល់និងស៊ុយអែតយប់មិញនេះ Ronaldo រកបានគ្រាប់ទីមួយដោយការស៊ុតបាល់ free-kick ដ៏ល្អនៅនាទីទី៤៥។ ចំណែកឯគ្រាប់ទី២វិញក៏មិនធម្មតាដែរ ពោលរូបគេចុចបាល់ពីលើដំបូលទូកផុតដៃអ្នកចាំរបស់ស៊ុយអែតយ៉ាងអស្ចារ្យ។

យោងតាមលទ្ធផលនេះព័រទុយកាល់ កំពុងឈរលើកំពូលតារាងពូល A3 ពោលគឺឈ្នះបានទាំង២ប្រកួតជាប់គ្នា មាន៦ពិន្ទុស្មើនឹងក្រុមជម្រើសជាតិបារាំង៕

ប្រភព៖ bbc