លោក Maldini បញ្ជាក់ថា អ្នកចាំទី Donnarumma នឹងចាកចេញពីក្លិប AC Milan ក្នុងពេលឆាប់ៗនេះ

អុីតាលី៖ នៅប៉ុន្មានម៉ោងមុននេះ ថ្ងៃទី២៧ នាយកក្លិប AC Milan លោក Paolo Maldini បញ្ជាក់ថាអ្នកចាំទី Gianluigi Donnarumma ដែលមានអាយុ ២២ឆ្នាំនឹងចាកចេញពី AC Milan ឆាប់ៗនេះ។ 

អ្នកចាំទី Gianluigi Donnarumma នឹងចាកចេញពី AC Milan ក្នុងនាមជាកីឡាករឥតគិតតំលៃខ្លួននៅសប្តាហ៍ក្រោយនេះដោយគាត់បានចូលរួមជាមួយ AC Milan តាំងពីឆ្នាំ២០១៤មកម្ល៉េះ ដោយពេលនោះគាត់់លេងឱ្យ U១៧ ជាងនេះទៅទៀតកីឡាករវ័យ ២២ ឆ្នាំរូបនេះបង្ហាញខ្លួន ២៥១ ប្រកួតឱ្យក្រុម AC Milan ចាប់តាំងពីបានបង្ហាញខ្លួនដំបូងនៅអាយុ ១៦ ឆ្នាំ។ការសម្រេចចិត្តត្រូវបានធ្វើឡើង ហើយនឹងត្រូវបានបញ្ជាក់ដោយនាយក Milan លោក Maldini ថាអ្នកចាំទីរូបនេះនឹងសម្រេចចិត្តចូលក្លិបបន្ទាប់របស់គាត់ឆាប់ៗនេះ។

យ៉ាងណាមិញ នៅក្នុងនោះដែរ លោក Maldini បាននិយាយ៖ “Donnarumma គឺជាតួឯកនៅរដូវកាលនេះ។ វាកាន់តែពិបាកក្នុងការស្វែងរកកីឡាករដែលផ្តួចផ្តើមនិងបញ្ចប់អាជីពរបស់ពួកគេនៅក្នុងក្រុមមួយ។ ផ្លូវមួយនេះជាមួយ Gianluigi Donnarumma នឹងបែកគ្នា ហើយខ្ញុំជូនពរគាត់អោយបានជួបក្រុមល្អបំផុតនៅពេលបន្ទាប់”។ រយៈពេលដែលគាត់រួមរស់ជាមួយ AC Milan កីឡាករវ័យ ២២ ឆ្នាំរូបនេះបានជួយឱ្យឈ្នះពាន SuperCoppa Italiana ១ដងក្នុងឆ្នាំ ២០១៦-២០១៧៕