អាស៊ី៖ ប្រធានក្លិប Al-Hilal នៅឯអារ៉ាប់ប៊ីសាអូឌីត គឺលោក Fahad Ben Nafel បានបង្ហើបច្បាស់ៗកាលពីទីផ្សាររដូវក្ដៅកន្លងទៅគឺ ក្លិបលោកបានបើកការពិភាក្សាចរចាយក Cristiano Ronaldo ទៅរួមក្រុម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Ronaldo ដែលមានវ័យ៣៧ឆ្នាំហើយនោះ ត្រូវបានគេរាយការណ៍ថាចង់ចាកចេញពីទឹកដី Old Trafford ដោយសារគ្មានកៅអីលេង Champions League និងបានឲ្យភ្នាក់ងារពិភាក្សាជាមួយក្លិបធំៗនៅអឺរ៉ុបដូចជា Chelsea និង Bayern Munich តែដោយសារក្លិបទាំងនោះបានបដិសេធទើបរូបគេត្រូវស្នាក់នៅបិសាចក្រហមបន្តទៀត។
លោក Ben Nafel បានបង្ហើបថា៖
បាទ ពួកយើងបានចរចាជាមួយគេ តែបញ្ហាមិនមែនមកពីរឿងប្រាក់ឬរឿងច្បាប់នោះទេ។ Al-Hilal អាចយកកីឡាករឆ្នើមក្នុងលោកបានតែវាជាការសម្រេចចិត្តរបស់មជ្ឈមណ្ឌលគណកម្មការកីឡា ដែលរារាំងមិនឲ្យយើងចុះកុងត្រាយកកីឡាករនេះ។ ពួកយើងមិនបានបញ្ឈប់ការចរចាជាមួយកីឡាករទេទោះបីត្រូវហាមឃាត់ក៏ដោយ ប៉ុន្តែពួកយើងបានពន្យាពេលដល់ដំណាក់កាលចុងក្រោយនៃការចរចារហូតការហាមឃាត់ត្រូវបានលើកលែង។
ប្រភព៖ sportskeeda
Bong I.T