អត់ទុកទៀតទេ! Liverpool បានប្រកាសថា ដាច់រដូវកាលនេះ ក្លិបនឹងចែកផ្លូវជាមួយតារាឆ្នើម ៤ រូបនេះហើយ

បរទេស៖ ក្លិបហង្សក្រហម Liverpool បានប្រកាសថា ក្រោយដាច់រដូវកាល ២០២២-២០២៣ នេះ ពួកគេនឹងចែកផ្លូវគ្នាជាមួយកីឡាកររបស់ខ្លួនចំនួន ៤ រូប។

យោងតាមការចុះផ្សាយដោយអ្នកកាសែត អ៊ីតាលី លោក Fabrizio Romano បានឱ្យដឹងថា ក្លិប Liverpool គឺបានប្រកាសជាផ្លូវការហើយ ថាខ្សែប្រយុទ្ធ Roberto Firmino, Naby Keita, James Milner និង Alex Oxlade-Chamberlain និងចាកចេញពីក្លិបនៅដំណាច់រដូវកាលនេះ។

គួរបញ្ជាក់ថា កីឡាករទាំង ៤ ខាងលើ គឺសុទ្ធតែអស់កុងត្រាជាមួយ Liverpool ត្រឹមរដូវកាលនេះ ហើយគិតមកដល់ពេលនេះគឺពួកគេមិនទាន់មានក្លិបថ្មីនោះទេ៕

ប្រភព៖ Fabrizio Romano