ថៃ៖ ជាការពិតណាស់ កាលពីពេលកន្លងទៅ ភាគីថៃ មានការកើតទុក្ខមិនសុខចិត្ត ដែលកម្ពុជា ដាក់វិញ្ញាសារ គុនខ្មែរ នៅក្នុងព្រឹត្តិការណ៍ប្រកួតស៊ីហ្គេមលើកទី៣២នេះ។ មិនតែប៉ុណ្ណោះ ថៃ ថែមទាំងប្រកាសខ្លួនថានឹងមិនចូលប្រកួតទៀតផង តែទោះបីយ៉ាងណា ក៏វិញ្ញាសារនេះ នៅតែបន្ដប្រកួតធម្មតា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដោយឡែក ថ្មីៗនេះ លោក Chaiyaphak Siriwat ជាអនុប្រធានគណៈកម្មាធិការអូឡាំពិកថៃ បានបញ្ជាក់ថា ព្រឹត្តិការណ៍ស៊ីហ្គេមលើកទី៣៣ ឆ្នាំ២០២៣ ដែលថៃនឹងរៀបចំធ្វើជាម្ចាស់ផ្ទះ នឹងកាត់បន្ថយឱ្យមានកីឡាក្នុងស្រុកត្រឹមតែ ៤ ប៉ុណ្ណោះ ហើយប្រភេទនីមួយៗមិនអាចមានមេដាយមាសលើសពី ៨ឡើយ។
លើសពីនោះ លោកក៏មានបំណង ចង់រឹតបន្ដឹងកីឡាករដែលចូលសញ្ជាតិផងដែរ ដើម្បីកុំឱ្យភាគីណាមួយអាចមានប្រៀបជាងគ្នា។ បន្ថែមពីនោះ លោក Chaiyaphak Siriwat បានប្រកាសថា ក្នុងរយៈពេល ២ឆ្នាំទៀត នៅក្នុងព្រឹត្តិការណ៍ស៊ីហ្គេមដែលថៃនឹងធ្វើជាម្ចាស់ផ្ទះ ក៏គ្មានវិញ្ញាសា គុនខ្មែរ នោះដែរ ថៃនឹងដាក់វិញ្ញាសារ Muay Thai វិញម្ដង៕
ប្រភព៖ Thairath
Bong I.T