Messi សំណូមពរថ្នាក់លើឲ្យទិញយកកីឡាករអាហ្សង់ទីន ២រូបនេះមកកាន់ Barca ពេលគេត្រឡប់មកវិញ

បរទេស៖ ខ្សែប្រយុទ្ធ Lionel Messi ត្រូវបានគេរាយការណ៍ថា ចង់ឃើញវត្តមានរបស់ Angel Di Maria និង Leandro Parades មកកាន់ Barcelona ដែរពេលគេត្រឡប់មកវិញ។

ជាការពិតណាស់ Messi បានចាកចេញពី Barcelona ដើម្បីផ្លាស់មកកាន់ PSG កាលពីឆ្នាំ២០២១ ហើយ ក្រោយចប់រដូវកាលនេះកុងត្រារបស់គេជាមួយក្លិបនឹងអស់សុពលភាពហើយ ខណៈ ការពិភាក្សាលើកុងត្រាថ្មីពុំទាន់ធ្វើឡើងនៅឡើយទេ ហើយ រូបគេក៏កំពុងតែមានទំនាក់ទំនងក្នុងការវិលត្រឡប់មកកាន់កីឡដ្ឋាន Camp Nou វិញផងដែរ។

ក្នុងនោះបើយោងទៅតាមការចុះផ្សាយរបស់របាយការណ៍មួយចំនួនបានលើកឡើងថា ទន្ទឹមនឹងការអាចនឹងវិលត្រឡប់របស់ Messi គឺ រូបគេក៏បានដាក់សំណើមកកាន់ថ្នាក់លើរបស់ Barcelona ឲ្យចុះហត្ថលេខាទិញយក Di Maria និង Parades មករួមក្រុមជាមួយគេផងដែរ ដោយគេជឿជាក់ថាវត្តមានរបស់អ្នកទាំងពីរនឹងអាចជួយក្រុមកាន់តែខ្លាំងបាន៕

ប្រភព៖ Sportskeeda