កម្សន្ត៖ ជាការពិតណាស់​​ តារាចម្រៀងរ៉េបដ៏ល្បីល្បាញ លោក G-Devith កំពុងតែមានការមមាញឹកនឹងការងារសិល្បៈរបស់លោកយ៉ាងខ្លាំង ខណៈពេលដែលប្រជាប្រិយភាពកើនឡើងពីមួយថ្ងៃទៅមួយថ្ងៃ។ ដោយឡែក ទោះរវល់យ៉ាងណា តារាប្រុសរូបនេះ បានឆ្លៀតពេលចូលរៀនបន្ដយកចំណេះដឹង នៅសាកលវិទ្យាល័យ។

ជាមួយគ្នានេះដែរ គេបានចែករំលែកវីដេអូមួយ ដែល តារារ៉េបរូបនេះ អង្គុយសិក្សាយ៉ាងយកចិត្តទុកដាក់ ពិតជាគួរឲ្យសរសើរ។​ គួរបញ្ជាក់ផងដែរថា G-Devith ធ្លាប់បោះបង់ការសិក្សាដើម្បីមកទីក្រុងតាមចាប់ក្តីស្រមៃ និង រកថវិការដើម្បីអោយប្អូនស្រីបានបន្តរការសិក្សារហូតបានបញ្ចប់ការសិក្សាថ្នាក់បរិញ្ញាបត្រផ្នែកបុរាណវិទ្យា។

កន្លងទៅថ្មីៗនេះ G-Devith ដែលជាបងប្រុស ក៏ងាកមកបន្តរការសិក្សានៅ សាលាពុទ្ធិកវិទ្យាល័យព្រះសុរាម្រឹត ម្តង ដើម្បីបានការសិក្សាបានខ្ពង់ខ្ពស់។ ទន្ទឹមនឹងនេះ អ្នកគាំទ្រនាំគ្នាលើកទឹកចិត្ត និង សរសើរទៅកាន់អាយដលខ្លួន ដែលមិនបោះបង់ការសិក្សា ទោះខ្លួនអាយុច្រើន ជោគជ័យការងារសិល្បៈយ៉ាងណាក៏ដោយ៕

សូមទស្សនាវីដេអូខាងក្រោមនេះ៖