តើជាមនុស្ស ឬ alien? សឹងមិនជឿថា Messi នៅលេងបានធម្មតា ក្រោយកន្លែងនេះខ្សែការពារ Nashville ស្លាយឡើងវៀ..ចកជើង(មានវីដេអូ)

បរទេស៖ ខ្សែប្រយុទ្ធឆ្នើមកីឡាករ Lionel Messi បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង បន្ទាប់ពីគាត់ត្រូវបានខ្សែការពាររបស់ក្រុម Nashville បើកបាតស្លាយឡើងវាយកជើង តែគាត់បែជាមិនមានបញ្ហារបួសធ្ងន់ធ្ងរ ហើយនៅអាចបន្តការប្រកួតបានធម្មតាទៀត។

ជាការពិតណាស់ កាលពីព្រឹកថ្ងៃ សុក្រ ទី ៨ ខែ មីនា ឆ្នាំ ២០២៤ ម្សិលមិញនេះ ក្រុម Inter Miami ជួបគ្នាជាមួយក្រុមម្ចាស់ផ្ទះ Nashville នៅក្នុងការប្រកួតជើងទី ១ វគ្គ ១៦ ក្រុមចុងក្រោយនៃពានរង្វាន់ CONCACAF Champion Cup ហើយជាលទ្ធផលក្រុមទាំង ២ បានស្មើគ្នាក្នុងលទ្ធផល ២-២ ខណៈនៅក្នុងការប្រកួតនោះ Leo Messi ក៏បានរួមចំណែករកបាន ១ គ្រាប់ផងដែរ។

យ៉ាងណាមិញ នៅក្នុងការប្រកួតនោះនៅពាក់កណ្តាលវគ្គទី ២ Messi ត្រូវបានខ្សែការពារលេខ ៣ របស់ Nashville កីឡាករ L.MacNaughton បើកបាតស្លាយស្រស់ៗឡើងវៀចក៏ជើង ប៉ុន្តែចុងក្រោយតាមរយៈបញ្ហានេះមិនបានធ្វើឱ្យខ្សែប្រយុទ្ធ អាហ្សង់ទីន វ័យ ៣៦ ឆ្នាំ មានបញ្ហារបួសធ្ងន់ធ្ងរនោះទេ ហើយជារួមគាត់នៅតែអាចបន្តការប្រកួតបានធម្មតា៕

ដើម្បីជ្រាបច្បាស់សូមទស្សនាវីដេអូខាងក្រោម៖