ទឹកចិត្តបងប្អូនខ្មែរនៅកូរ៉េធំធេងពេកហើយ! គ្រាន់តែប្រកួតចប់ ឡុង អាឆើត និង ធឿន ធារ៉ា ទទួលបានជំនួយពីអ្នកគាំទ្រនៅកូរ៉េ ក្នុងម្នាក់ៗរហូតដល់ទៅ...

ប្រដាល់៖ មហាព្រឹត្តិការណ៍គុនខ្មែរដែលរៀបចំឡើងនៅទឹកដីប្រទេសកូរ៉េខាងត្បូងពិតជាទទួលបានជោគជ័យខ្លាំងមែនទែន ក្នុងនោះកីឡាករគុនខ្មែរយើងសុទ្ធតែធ្វើបានល្អ និង ទទួលបានជ័យជម្នះត្រឡប់មកកាន់មាតុប្រទេសវិញ ជាពិសេសអ្វីដែលអស្ចារ្យបំផុត គឺ បងប្អូនខ្មែរដែលរស់នៅទឹកដីកូរ៉េបានមកទស្សនាផ្ទាល់យ៉ាងណែនសាលប្រកួត ពេញណែនរហូតទស្សនាតាមស្លាយចាក់បញ្ចាំងនៅខាងក្រៅទីតាំងប្រកួតទៀតផង។

លើសពីនេះអ្វីដែលយើងកាន់តែកោតសរសើរ និង កាន់តែក្តុកក្តួលរកពាក្យអ្វីថ្លែងមិនចេញនោះ គឺ បងប្អូនខ្មែរនៅកូរ៉េបានជួយរ៉ែលុយដល់កីឡាករគុនខ្មែរយើងគ្រប់គ្នា ពោល ពួកគាត់ជួយទាំងលោកអាជ្ញាកណ្តាលទៀត ជាក់ស្តែងក្នុងការបង្ហោះរបស់ Admin Kimsong តួយ៉ាង កីឡាករគុនខ្មែរយើងដូចជា ឡុង អាឆើត រាប់ត្រួសៗទៅបានជាង ១០លានរៀល ធឿន ធារ៉ា បានជាង ៨លានរៀល​ និង បានដល់កីឡាករគ្រប់គ្នាគ្រាន់តិចជាង ឬ ច្រើនជាង សរុបមកពិតជារំភើបមែនទែនចំពោះទឹកចិត្តបងប្អូនខ្មែរយើងនៅកូរ៉េ៕