ព័រទុយហ្គាល់៖ អតីតគ្រូបង្គោលក្រុមជម្រើសជាតិព័រទុយហ្គាល់ លោក Fernando Santos បានលើកឡើងថា កីឡាករ Cristiano Ronaldo មានការគោរពចំពោះការសម្រេចចិត្តរបស់លោកដែលដាក់ឲ្យរូបគេអង្គុយនៅកៅអីបំរុងក្នុងពានរង្វាន់ World Cup 2022។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Ronaldo បច្ចុប្បន្ននៅតែឈរឈ្មោះជាកីឡាករដែលរកគ្រាប់បាល់បានច្រើនជាងគេឲ្យក្រុមជម្រើសជាតិ ពោល ១៣៥គ្រាប់ ប៉ុន្តែ បើយើងបកក្រោយបន្តិចក្នុងព្រឹត្តិការណ៍ World Cup 2022 គឺ រូបគេហាក់ជួបផលវិបាកច្រើន ដោយអាចរកបានត្រឹមមួយគ្រាប់ ក្នុងចំណោមការបង្ហាញខ្លួន ៥ប្រកួត និង ធ្លាក់ក្រោមថ្វីជើងរបស់ ក្រុមជម្រើសជាតិម៉ារ៉ុក ត្រឹមវគ្គ ៨ក្រុមចុងក្រោយ ខណៈ ២ប្រកួតចុងក្រោយក្នុងវគ្គ ១៦ក្រុម និង ៨ក្រុម គឺ រូបគេត្រូវបានលោក Fernando Santos ដាក់ឲ្យនៅកៅអីបំរុងយ៉ាងភ្ញាក់ផ្អើល។
យ៉ាងណាមិញ ទាក់ទងនឹងរឿងខាងលើ លោក Santos បាននិយាយថា៖
Cristiano Ronaldo គឺ ជាកីឡាករដ៏អស្ចារ្យ ហើយ ទំនាក់ទំនងរបស់ខ្ញុំជាមួយគាត់គឺនៅតែល្អតាំងពីឆ្នាំ ២០០៤ មុនពេលដែលខ្ញុំមកដឹកនាំក្រុមជម្រើសជាតិទៅទៀត។ ការដែល Ronaldo អង្គុយនៅកៅអីបំរុងអំឡុងពេលដែលខ្ញុំជាគ្រូបង្គោល គឺ ជាអ្វីដែលគាត់នៅតែគោរព ហើយ ពួកយើងនៅតែមានទំនាក់ទំនងជាមួយគ្នា៕
ប្រភព៖ sportskeeda
Bong I.T