អាស៊ី៖ ប្រធានក្រុមជម្រើសជាតិកូរ៉េខាងត្បូង កីឡាករ Son Heung-min បានចេញមុខសុំទោសអ្នកគាំទ្ររបស់ខ្លួន បន្ទាប់ពីក្រុមជម្រើសជាតិខ្លួនបានធ្លាក់ចេញពីពានរង្វាន់ AFC ASIAN CUP កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ កាលពីយប់មិញនេះ វាជារឿងដ៏គួរឲ្យភ្ញាក់ផ្អើលបន្ទាប់ពី ក្រុមជម្រើសជាតិកូរ៉េខាងត្បូង បានទទួលរងបរាជ័យក្រោមថ្វីជើង ក្រុមជម្រើសជាតិហ្សកដានីក្នុងលទ្ធផល ២ទល់នឹង០ ទោះមានស្ថិតិគ្រប់គ្រងបាល់រហូតដល់ទៅ ៧០ភាគរយក៏ដោយ ដែលធ្វើឲ្យពួកគេត្រូវហាលអាវត្រឹមវគ្គ៤ក្រុមចុងក្រោយនៃពានរង្វាន់ AFC ASIAN CUP។
ក្រោយចប់ការប្រកួត Son បានចេញមុខនិយាយពាក្យសុំទោសទៅកាន់អ្នកគាំទ្រកូរ៉េយ៉ាងដូច្នេះថា៖
ខ្ញុំមិនដឹងត្រូវនិយាយយ៉ាងណាទេ ខ្ញុំពិតជាចង់សុំទោសដល់អ្នកទាំងអស់គ្នា។ កីឡាករនៅក្នុងក្រុមបានព្យាយាមអស់ពីសមត្ថភាពហើយ ខ្ញុំពិតជាសុំទោសដែលការប្រកួតបញ្ចប់ទៅដោយលទ្ធផលបែបនេះ។ ខ្ញុំសុំទោសដែលពួកយើងមិនអាចផ្តល់ជូននូវអ្វីដែលអ្នកគាំទ្របានរំពឹងទុកមកលើយើង។ ជាថ្មីម្តងទៀតខ្ញុំសូមសុំទោស ហើយ ខ្ញុំនឹងព្យាយាមឲ្យកាន់តែខ្លាំងដើម្បីឲ្យក្រុមជម្រើសជាតិយើងខ្លាំងជាងនេះនាពេលអនាគត៕
ប្រភព៖ metro
Bong I.T