លាហើយហ្វេនៗ! កីឡាករឆ្នើមរូបនេះ នឹងចាកចេញពី Barcelona ក្នុងទីផ្សារដោះដូរកីឡាកររដូវក្តៅនេះ

អេស្ប៉ាញ៖ កីឡាករជើងចាស់របស់ Barcelona គឺ Sergi Roberto ត្រូវបានគេរាយការណ៍បានសម្រេចចិត្តចែកផ្លូវគ្នាហើយជាមួយក្លិបសម្រាប់ទីផ្សារដោះដូរកីឡាកររដូវក្តៅនេះ។

ជាការពិតណាស់ អាចនិយាយបានថា Roberto ត្រូវបានរាប់បញ្ចូលជាវីរបុរសម្នាក់របស់ Barcelona ដែលបានចូលរួមជាមួយក្រុម តាំងពីឈុតយុវជននៅក្នុងឆ្នាំ ២០០៦ មុនតម្លើងមកកាន់ក្រុមឈុតធំនៅក្នុងឆ្នាំ ២០១០ និង មិនធ្លាប់ប្រកបអាជីពបាល់ទាត់ឲ្យក្រុមណាមួយក្រៅពី Barcelona ឡើយ ខណៈ អនុស្សាវរីយ៍មួយដែលអ្នកគាំទ្រតែងតែរំលឹកពីគាត់ គឺ គ្រាប់បាល់ចុងម៉ោងទល់នឹង PSG របស់គាត់ ក្នុងពានរង្វាន់ Champions League កាលពីឆ្នាំ ២០១៧។

យ៉ាងណាក៏ដោយ បើយោងតាមការចុះផ្សាយរបស់លោក Fabrizio Romano បានលើកឡើងថា Roberto បានចែកផ្លូវគ្នាជាមួយក្រុមនៅរដូវក្តៅនេះ ខណៈ ពេលនេះរូបគេមិនទាន់បើកកិច្ចចរចារជាមួយក្លិបណាមួយនៅឡើយទេ ប៉ុន្តែ ច្បាស់ណាស់ គេមិនបានបន្តកុងត្រាថ្មីជាមួយ Barcelona នោះទេ៕

ប្រភព៖ Fabrizio Romano