កម្ពុជា៖ កាលពីល្ងាចថ្ងៃទី ២០ ខែ តុលា ម្សិលមិញ ក្រុមភ្នំពេញក្រោន បានបើកទ្វាកីឡដ្ឋាន RSN របស់ខ្លួន ទទួលស្វាគមន៍ក្រុមភ្ញៀវ ព្រះខ័នរាជស្វាយរៀង នៅក្នុងការប្រកួតសប្តាហ៍ទី ៧ នៃក្របខណ្ឌ Cambodian Premier League របស់កម្ពុជា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅក្នុងការប្រកួតរវាងក្រុមខ្លាំងទាំង ២ គឺពិតជាតានតឹងមែនទែន ប៉ុន្តែជារួមខាងក្រុមម្ចាស់ផ្ទះភ្នំពេញក្រោន ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុមភ្ញៀវ ស្វារៀង ក្នុងលទ្ធផល ៤ ទល់នឹង ៣។
ក្នុងនោះ ៤ គ្រាប់របស់ ភ្នំពេញក្រោន គឺរកបានដោយខ្សែប្រយុទ្ធស្លាបសញ្ជាតិ នីហ្ស៊េរីយ៉ា Ofufu ២ គ្រាប់, Goselink ១ គ្រាប់ និងខ្សែប្រយុទ្ធសញ្ជាតិ ហ្វីលីពីន Gayoso ១ គ្រាប់។ ចំណែក ៣ គ្រាប់របស់ ស្វាយរៀង វិញ គឺរកបានដោយ មិន រតនៈ ១ គ្រាប់, Pablo Augusto ១ គ្រាប់ និងខ្សែការពារ សារ៉េត គ្រីយ៉ា ១ គ្រាប់។
គួរបញ្ជាក់ថា ភ្នំពេញក្រោន បច្ចុប្បន្ន កំពុងឈរនៅកំពូលតារាងនៃក្របខណ្ឌលីគកំពូលកម្ពុជា ក្រោយឆ្លងកាត់ ៧ ប្រកួត ពួកគេឈ្នះទាំង ៧ មាន ២១ ពិន្ទុ ដោយឡែក ស្វាយរៀង វិញ ក្រោយឆ្លងកាត់ ៦ ប្រកួត ពួកគេឈ្នះ ៤ និងចាញ់ ២ មាន ១២ ពិន្ទុ។
សូមទស្សនាវីដេអូខាងក្រោម៖