បរទេស៖ ខ្សែប្រយុទ្ធឆ្នើមរបស់ Barcelona កីឡាករ Robert Lewandowski បានតាមពីក្រោយ Lionel Messi និង Cristiano Ronaldo ក្លាយជាកីឡាករទី ៣ ក្នុងប្រវត្តិសាស្ត្របាល់ទាត់ ក្នុងនាមជាអ្នករកបានគ្រាប់បាល់ច្រើនជាងគេបំផុតប្រចាំការប្រកួតក្នុងលីគកំពូលទាំង ៥ របស់ អឺរ៉ុប បន្ទាប់ពីគាត់រកបានគ្រាប់បាល់ស៊ុតបញ្ចូលទី ២ គ្រាប់បន្ថែមកាលពីយប់មិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នៅក្នុងការប្រកួតសប្តាហ៍ទី ១០ នៃក្របខណ្ឌ La Liga នាយប់រំលងអាធ្រាត្រឈានចូលថ្ងៃទី ២១ ខែ តុលា នេះ ក្រុមអ្នកមានបុណ្យ FC Barcelona បានយកឈ្នះលើក្រុម Sevilla ក្នុងលទ្ធផលយ៉ាងចាស់ដៃ ៥ ទល់នឹង ១ ខណៈនៅក្នុងការប្រកួតនោះ Lewandowski ក៏បានរួមចំណែកស៊ុតបញ្ចូលទី ២ គ្រាប់ផងដែរ។
យ៉ាងណាមិញ បន្ទាប់ពីរកបានគ្រាប់បាល់ ២ គ្រាប់នេះ បានធ្វើឱ្យ Lewandowski កើនចំនួនគ្រាប់បាល់របស់ខ្លួនឡើងដល់ ៣៦៦ គ្រាប់ សម្រាប់ការប្រកួតនៅក្នុងលីគកំពូលទាំង ៥ របស់ អឺរ៉ុប ដោយចំនួននេះបានធ្វើឱ្យគាត់វ៉ាដាច់គ្រាប់បាល់របស់វីរបុរសក្រុម Bayern Munich លោក Gerd Muller ដែលមាន ៣៦៥ គ្រាប់ក្នុងដៃ ឡើងមកឈរនៅចំណាត់ថ្នាក់ទី ៣ ជំនួសវិញ។
គួរបញ្ជាក់ថា Lionel Messi បច្ចុប្បន្នគឺជាកីឡាករស្ថិតនៅលេខរៀងទី ១ ដែលមានចំនួនគ្រាប់បាល់ច្រើនជាងគេបំផុតប្រចាំការប្រកួតក្នុងលីគកំពូលទាំង ៥ របស់ អឺរ៉ុប ពោលគឺចំនួន ៤៩៦ គ្រាប់ ចំណែក Ronaldo វិញ ស្ថិតនៅលេខរៀងទី ២ មានចំនួនគ្រាប់បាល់ ៤៩៥ គ្រាប់៕
ប្រភព៖ Fabrizio Romano