បរទេស៖ ក្លិបអ្នកមាន Paris Saint-Germain ត្រូវបានគេរាយការណ៍ថា ពួកគេមានគម្រោងចូលប្រជែងជាមួយ Barcelona ដើម្បីតាមចុះកុងត្រាយកខ្សែប្រយុទ្ធឆ្នើម Erling Haaland ពី Manchester City។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ កាលពីពេលថ្មីៗនេះសារព័ត៌មានធំៗនៅបរទេសបានចុះផ្សាយថា ប្រធានក្លិប Barcelona លោក Joan Laporta គឺបានដាក់ផែនការធំ ថាលោកនឹងចុះកុងត្រាយក Haaland ឱ្យបាននៅឆ្នាំ ២០២៥ ឬ ២០២៦ ដើម្បីជំនួសកន្លែងរបស់ខ្សែប្រយុទ្ធវ័យ ៣៦ ឆ្នាំ Robert Lewandowski ដែលនឹងអស់សុពលភាពកុងត្រានៅខែ មិថុនា ឆ្នាំ ២០២៦។
ប៉ុន្តែសម្រាប់ផែនការមួយនេះរបស់លោក Laporta អាចថាមិនមែនជារឿងងាយស្រួលនោះទេ ព្រោះថាឥឡូវពួកគេមានគូប្រជែងដ៏ធំមួយទៀត ដែលកំពុងមានបំណងចង់បានខ្សែប្រយុទ្ធរបស់ Man City រូបនេះដូចគ្នា នោះគឺក្រុម PSG, នេះបើតាមការចុះផ្សាយដោយសារព័ត៌មាន El Nacional។
គួរបញ្ជាក់ថា Haaland គឺនៅសល់កុងត្រា ៣ រដូវកាលទៀតជាមួយ Man City ពោលគឺដល់ខែ មិថុនា ឆ្នាំ ២០២៧៕
ប្រភព៖ Sportskeeda