អឺរ៉ុប៖ គ្រូបង្វឹកក្លិប Paris Saint Germain លោក Luis Enrique ជឿជាក់ថា កីឡាករ Vinicius JR នឹងឈ្នះពានរង្វាន់បាល់មាស Ballon d’Or ឆ្នាំនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ បើយើងនិយាយពីគុណសម្បត្តិរបស់ Vinicius កាលពីរដូវកាលមុន រូបគេពិតជារួមចំណែកច្រើនមែនទែន ដោយរូបគេបានជួយឱ្យ Real Madrid ឈ្នះពានធំៗដូចជា La Liga, Supercopa និង Champions League ជាដើម ហើយនៅក្នុងវគ្គផ្តាច់ព្រ័ត្រពាន UCL ទល់នឹង Dortmund កាលពីថ្ងៃទី ២ ខែ មិថុនា កន្លងទៅ ខ្សែប្រយុទ្ធជម្រើសជាតិ ប្រេស៊ីល រូបនេះ ក៏បានចូលរួមចំណែកស៊ុតមួយគ្រាប់ផងដែរ។
ទាក់ទងនឹងរឿងខាងលើ លោក Enrique បាននិយាយថា៖
ខ្ញុំសង្ឃឹមថា Vinicius នឹងឈ្នះ។ គាត់ស័ក្តិសមនឹងឈ្នះវា។ យ៉ាងណាក៏ដោយ និយាយដោយស្មោះត្រង់ទៅ ក្នុងនាមជាគ្រូបង្វឹក ខ្ញុំមិនសូវខ្វល់ពីពានទាំងអស់នោះទេ ខ្ញុំមិនជឿលើអ្វីទាំងអស់ ពីព្រោះវាគ្រាន់តែជាទីផ្សាររបស់គេ។ ខ្ញុំឲ្យតម្លៃលើការលេងជាក្រុមជាង៕
ប្រភព៖ Sportkseeda
Bong I.T