ចុម! ទោះឈ្នះមែន តែអ្នកគាំទ្របានទទូចសុំលោក Ancelotti កុំដាក់កីឡាកររូបនេះលេងទៀត ពេលប៉ះ Man City ជើងទី ២

បរទេស៖ អ្នកគាំទ្រ Real Madrid ជាច្រើនហាក់មិនពេញចិត្តចំពោះការលេងរបស់ខ្សែការពារស្លាបឆ្វេង Ferland Mendy នៅក្នុងការប្រកួត playoffs ជើងទី ១ ដណ្តើមកៅអីឡើងទៅវគ្គ ១៦ ក្រុមនៃពាន Champions League ទល់នឹង Manchester City កាលពីយប់មិញនោះទេ ទោះបីជានៅក្នុងការប្រកួតនោះក្រុមអធិរាជសបានទទួលជ័យជម្នះក៏ដោយ។

ជាការពិតណាស់ នៅក្នុងការប្រកួត Playoffs ជើងទី ១ កាលពីយប់រំលងអាធ្រាត្រឈានចូលថ្ងៃទី ១២ នេះ ក្រុមអធិរាជស Real Madrid បានយកឈ្នះលើក្រុម Man City នៅកីឡដ្ឋាន Etihad Stadium ក្នុងលទ្ធផល ៣-២ ក្នុងនោះ ២ គ្រាប់របស់ក្រុមមេឃខៀវ គឺរកបានដោយ Erling Haaland ទាំង ២ គ្រាប់ ចំណែក ៣ គ្រាប់របស់ក្រុមអធិរាជសវិញ គឺរកបានដោយ Kylian Mbappe, Brahim Diaz និង Jude Bellingham។

ទោះបីជាការប្រកួតនោះ Real Madrid បានទទួលជ័យជម្នះក៏ដោយ ប៉ុន្តែមានអ្នកគាំទ្រជាច្រើនបានបង្ហាញការខកចិត្តជាខ្លាំងនៅលើបណ្តាញសង្គម X ចំពោះការលេងរបស់ Ferland Mendy រហូតមានអ្នកខ្លះបានទទូចសុំអ្នកចាត់ការលោក Carlo Ancelotti "ឱ្យឈប់ដាក់រូបគេចូលលេងក្នុងការប្រកួតបន្តបន្ទាប់ទៀតផង"។

ខាងក្រោមនេះ គឺជាការបញ្ចេញមតិរបស់អ្នកគាំទ្រ Real Madrid នៅលើបណ្តាញសង្គម X៖

ប្រភព៖ Sportskeeda